Германія — Польшчы: Пытанне рэпарацый закрытае
31.07.2019 / 20:15
Немцы адчуваюць сваю маральную адказнасць за Другую сусветную вайну і за тое, што вайна зрабіла з Польшчай, — заявіў міністр замежных спраў Германіі Хейка Маас у сераду ў Варшаве. У той жа час ён падкрэсліў, што пытанне аб рэпарацыях «закрытае» для Нямеччыны з юрыдычнага пункта гледжання, паведамляе Polsatnews.
Маас сустракаўся з кіраўніком польскай дыпламатыі Яцэкам Чапутовічам у сераду. Ён падзякаваў за запрашэнне ўзяць удзел у святкаванні 75-й гадавіны пачатку Варшаўскага паўстання:
— Тое, што немцы зрабілі з палякамі, прымушае нас саромецца.
У красавіку дэпутат польскага Сейма Януш Шэўчак заявіў, што Варшава запатрабуе ад Нямеччыны выплат на суму не менш як 900 мільярдаў даляраў у якасці рэпарацый за Другую сусветную.
Публікуецца ў межах спецыяльнай рубрыкі «Навіны Германіі»