Pjanaha kiroŭcu spyniła DAI. Jaho maci nie razhubiłasia, sieła na miesca kiroŭcy i pajechała praz bardziur VIDEA
31.07.2019 / 22:52
Piać administracyjnych pratakołaŭ skłali ŭ Mahilovie na pjanaha kiroŭcu i jaho maci. Jak paviedamili ŭ Mahiloŭskim abłasnym upraŭleńni Departamienta achovy, narad hrupy zatrymańnia achoŭvaŭ hramadski paradak kala adnaho z handlovych centraŭ horada. Da ich źviarnuŭsia mužčyna i raspavioŭ, što z procilehłaha boku aŭtamabilnaj stajanki handlovaha centra supracoŭnik DAI nie moža spravicca ź nieadekvatnym pjanym parušalnikam, jaki supraciŭlaŭsia.
Dalej usio adbyvałasia vielmi imkliva. Žančyna, jakaja siadzieła na pasažyrskim miescy, pierasieła na miesca kiroŭcy i pačała ruch praz bardziur ŭ bok ažyŭlenaha skryžavańnia, pavialičvajučy chutkaść. Milicyjaniery hrupy zatrymańnia aŭtamabil spynili. Vyśvietliłasia, što žančyna — mama pravaparušalnika.
Skłali 5 pratakołaŭ — dva ŭ dačynieńni da niećviarozaha kiroŭcy i try ŭ dačynieńni da jaho maci.