У Клецкім раёне кампанія з трох чалавек жорстка забіла 83-гадовага вяскоўца, бо адмовіўся даць грошы на выпіўку
27.08.2019 / 14:07
Старога чалавека на падлозе без прыкмет жыцця знайшоў сусед, калі прыйшоў у госці, паведамляе СК.
Следча-аператыўнай групай былі выяўленыя сляды, што сведчылі пра крымінальны характар здарэння.
Згодна з заключэннем экспертаў, старому чалавеку былі нанесены шматлікія цялесныя пашкоджанні, што і прывялі да смерці.
Неўзабаве былі затрыманыя двое 30-гадовых мужчын і 33-гадовая жанчына.
Паведамляецца, што яны мэтанакіравана прыехалі да пацярпелага з суседняй вёскі. Ноччу праз акно праніклі ў дом і сталі прасіць грошай на спіртное. Калі атрымалі адмову, то жорстка збілі старога чалавека. Пасля чаго сышлі, забраўшы бензакасу, якую пасля прадалі.