Zialenski anansavaŭ novy abmien źniavolenymi z Rasijaj

13.09.2019 / 11:06

Prezident Ukrainy Uładzimir Zialenski zajaviŭ, što Kijeŭ i Maskva rychtujucca da novaha etapu abmienu viaźniami. Z takoj zajavaj kiraŭnik dziaržavy vystupiŭ padčas 16-j Štohadovaj sustrečy Jałcinskaj jeŭrapiejskaj stratehii (YES), što prachodzić u Kijevie.

Pavodle słoŭ Zialenskaha, na hety momant baki rychtujuć śpisy. «Zaraz my havorym pra nastupny etap paśla našych palitviaźniaŭ, marakoŭ. Adkryta skažu, što my rychtujem inšyja śpisy i čakajem nastupnaha etapu abmienu», — skazaŭ ukrainski lidar.

Akramia taho, Zialenski adznačyŭ, što pieramovy pa novym abmienie buduć vieścisia ŭ tym liku ŭ ramkach pasiadžeńniaŭ kantaktnaj hrupy ŭ Minsku, a taksama ŭ čas sustrečy lidaraŭ «narmandskaj čaćviorki», praviadzieńnie jakoj čakajecca ŭ vieraśni.

Nashaniva.com