У кіроўцы аўтобуса ў Баранавічах скралі 320 талончыкаў
17.09.2019 / 15:07
Інцыдэнт адбыўся на вуліцы Вільчкоўскага, паведамляе «Наш край».
31-гадовы кіроўца аўтобуса звярнуўся ў міліцыю. Ён распавёў, што ў яго неяк увечары, калі вяртаўся дадому, скралі сумку з рэчамі.
Там былі залаты пярсцёнак, срэбраны ланцужок з крыжыкам, а таксама 320 талонаў на праезд. Агульную суму нанесенай шкоды мужчына ацаніў у 568 рублёў.