Лукашэнка: ЗША нарэшце звярнулі ўвагу на Беларусь
17.09.2019 / 16:43
Аляксандр Лукашэнка станоўча ацэньвае цікавасць ЗША да рэгіёну Усходняй Еўропы. Пра гэта ён заявіў сёння ў Мінску на сустрэчы з намеснікам дзяржаўнага сакратара ЗША па палітычных пытаннях Дэвідам Хэйлам, паведамляе БелТА.
«Прыемна вас бачыць тут — не толькі ў Беларусі, але і ва Усходняй Еўропе. Я з задавальненнем хачу адзначыць, што гэта сведчанне таго, што ЗША нарэшце звярнулі ўвагу не толькі на Еўропу ў цэлым, але і на Беларусь», — сказаў кіраўнік дзяржавы.