Mianciuk-2
Supracoŭniki DAI paŭtary hadziny hnałisia za pjanym vadzicielem pa hrodzienskaj šašy.
13.02.2009 / 15:30
Supracoŭniki DAI paŭtary hadziny hnałisia za pjanym vadzicielem pa hrodzienskaj.
Ab hetym paviedamiŭ BIEŁTA inśpiektar addzialeńnia pa ahitacyi i prapahandzie DAI UUS Hrodzienskaha abłvykankama kapitan miłicyi Valeryj Judzin.
Pavodle jaho słoŭ, 29‑hadovaha minčanina, jaki ŭ stanie ałkaholnaha apjanieńnia kiravaŭ aŭtamabilem «Folksvahien‑Turan», sprabavałi spynić jašče ŭ Minsku na pr. Prytyckaha, ale vadziciel patrabavańniam DAI nie padparadkavaŭsia.
Jon vyjechaŭ na aŭtadarohu M‑6 «Minsk—Hrodna» i paimčaŭ pa joj z chutkaściu kala 200 km u hadzinu.
Niahledziačy na patrabavańnie narada śpiecpadraździaleńnia «Strała», jaki jechaŭ za im, spynicca, vadziciel praciahvaŭ ruch. Kala paŭnočy ŭžo na terytoryi Hrodzienskaj vobłasci honščyka ŭdałosia spynić, praŭda, dla hetaha daviałosia zadziejničać jašče try łidskija narady DPS i śpiecyjalny srodak «Vožyk‑Dyjana» — pałatno ź mietałičnymi šypami.
Minčanina da hetaha ŭžo dvojčy pazbaŭlałi prava na kiravańnie transpartnym srodkam — u 2000 hodzie za kiravańnie aŭtamabilem u niecviarozym stanie, u 2008‑m — za pakidańnie miesca DTZ.