Трамп паскардзіўся на «найгоршае стаўленне да прэзідэнта» ў гісторыі ЗША

25.09.2019 / 16:05

Прэзідэнт ЗША Дональд Трамп лічыць, што ніколі ў ЗША яшчэ так дрэнна не ставіліся да прэзідэнта, як цяпер ставяцца да яго. Пра гэта прэзідэнт напісаў на сваёй старонцы ў твітары.

«У гісторыі нашай краіны не было ніводнага прэзідэнта, з якім бы так дрэнна абыходзіліся, як са мной», — напісаў ён, дадаўшы, што Дэмакратычная партыя ЗША «паралізаваная нянавісцю і страхам».

Акрамя таго, прэзідэнт ахарактарызаваў сітуацыю як «паляванне на ведзьмаў» і выказаў надзею, што такое не здарыцца са наступным прэзідэнтам.

Nashaniva.com