Якуцкі шаман аднаўляе паход на Маскву
10.10.2019 / 17:52
Якуцкі шаман Аляксандр Габышаў абвясціў, што аднаўляе паход на Маскву, каб правесці «абрад выгнання Пуціна», піша Якутия.Инфо.
Габышаў адзначыў, што паход выключна мірны -- «ніводны волас не ўпадзе, ніводная кропля крыві ў Пуціна не пральецца».
«Я ў поўнай меры адчуў на сабе вяртанне карнай медыцыны, позняга СССР. Я не проста іду. Я павучаю людзей не помсціць, помсціць грэх. Дараваць. Напад грэх — толькі абараняцца. Дараваць людзям, ворагам сваім — гэта ўсё вера. Міралюбная вера і яны мяне слухаюцца людзі», — адзначыў у інтэрв'ю Аляксандр Габышаў.
Жыхар Якуцка Аляксандр Габышаў у сакавіку 2019 года абвясціў пра пачатак пешага паходу ў Маскву, каб правесці «абрад выгнання Пуціна». Па дарозе да Габышава сталі далучацца прыхільнікі.