П'яная аўтамабілістка разбіла ў Мінску пяць машын
17.10.2019 / 15:42
ДТЗ здарылася ў мінулыя выходныя на вуліцы Філімонава, піша БелТА
33-гадовая жанчына на «Міцубісі» з прыкметамі алкагольнага ап'янення рухалася з боку 2-га завулка Баграціёна ў напрамку вуліцы Запарожскай.
Не справіўшыся з кіраваннем, яна наехала на бардзюрны камень, знесла некалькі пралётаў раздзяляльнай агароджы і выехала на сустрэчную паласу. Там сутыкнулася з аўтамабілем «Даф», які стаяў у першай паласе. Затым, праехаўшы наперад, вылецела за межы праезнай часткі і сутыкнулася з «Фольксвагенам» і «БМВ», якія знаходзіліся на гасцявой стаянцы. Ад удару з двума аўто «Міцубісі» адкінула на прыпаркаваную «Ладу».
У выніку аварыі ўсе аўтамабілі атрымалі механічныя пашкоджанні. Мінчанка пазбаўленая права кіравання транспартнымі сродкамі тэрмінам на тры гады. Акрамя таго, ёй прыйдзецца выплаціць вялікую суму штрафу