У Клічаўскім раёне мужчына забіў жонку, загарнуў цела ў дыван і працягнуў піць
12.11.2019 / 23:17
У Клічаўскім раёне следчыя высвятляюць абставіны забойства. Сварка паміж 37-гадовым жыхаром вёскі Усохі і яго 46-гадовай жонкай паўстала на глебе рэўнасці днём 10 лістапада падчас піцця спіртнога.
У ходзе канфлікту падазраваны нанёс жанчыне нажавое раненне, ад якога яна памерла на месцы здарэння. Мужчына загарнуў цела загінулай у дыван, схаваў у склепе дома і працягнуў піць. Увечары ён патэлефанаваў у міліцыю і прызнаўся ў забойстве.
Падазраванага затрымалі, ён дае прызнальныя паказанні. Расследаванне крымінальнай справы працягваецца.