U Hruzii pačalisia akcyi pratestu paśla pravału źmianieńniaŭ u kanstytucyju
14.11.2019 / 20:56
U Tbilisi ŭdzielniki akcyi pratestu prynieśli na centralnyja vulicy draŭlanyja kanstrukcyi. Jany rasstavili paddony na prajeznaj častcy praśpiekta. Na hety čas aŭtamabilny ruch na praśpiekcie Rustavieli ŭžo pierakryty, paviedamlaje hruzinskaje telebačańnie.
Pryčyna pratestu — siońniašniaje rašeńnie hruzinskaha parłamienta, jaki pravaliŭ papraŭki ab pierachodzie na praparcyjnuju vybarčuju sistemu.
Padrychtavanyja parłamienckaj bolšaściu papraŭki da Kanstytucyi, jakija tyčacca pierachodu da praparcyjnaj vybarčaj sistemy, nie atrymali dastatkovaj kolkaści hałasoŭ u parłamiencie.
Pa hetym pytańni siońnia było praviedziena svabodnaje hałasavańnie. Dla pryniaćcia papravak była nieabchodnaja padtrymka 113 zakanadaŭcaŭ. Za papraŭki prahałasavali 101 deputat, suprać — troje.