Zatrymali hrupu biełarusaŭ, jakaja krała darahija aŭtamabili ŭ Rasii
15.11.2019 / 22:24
Biełaruskija siłaviki zatrymali arhanizavanuju hrupu biełarusaŭ, jakaja krała aŭto ŭ Rasii.
8 biełarusaŭ byli datyčnyja da bolš čym 40 kradziažoŭ mašyn na terytoryi Rasii. Raspačali kryminalnyja spravy, fihurantaŭ aryštavali.
Bolšaść z zatrymanych — uradžency Połacka i Navapołacka. Pavodle śledstva, z 2014 pa 2019 hod hrupa krała aŭtamabili ŭ Maskvie i Sankt-Pieciarburhu, a paśla lehalizoŭvała ich u Biełarusi.
Kanfiskavali kala 30 vykradzienych aŭtamabilaŭ. Vyjaŭlenyja i pryłady dla niesankcyjanavanaha praniknieńnia ŭ aŭtamabili, abstalavańnie dla źmieny markiroŭki identyfikacyjnych numaroŭ, inšyja prystasavańni, bujnyja sumy hrošaj.