Antocha MS vypuściŭ svoj klip-nastalhiju pa 90-ch. Adpaviednuju atmasfieru znajšli ŭ Maładziečnie VIDEA

Rasijski chip-chop artyst Antocha MS vypuściŭ klip «Skrynia z ciapłom». Jaho zdymali letam 2019 hoda ŭ Maładziečnie.

21.11.2019 / 17:47

Siužet klipa prosty: niedzie, u dalokim dziacinstvie, zastaŭsia ciopły dvor, dzie hulali ŭ fiški, z bałkonaŭ u minakoŭ kidalisia pakietami z vadoj, dzie rasstrelvali azadki miačom. I dzie, viadoma, zdarałasia pieršaje kachańnie.

Hałoŭnyja roli ŭ klipie syhrali nie prafiesijnyja akciory, a zvyčajnyja haradžanie, katorym dobra znajomaja heta dvarovaja ramantyka.

Rusłan Piakarski, adzin z hierojaŭ klipa, raskazaŭ «Našaj Nivie», što režysior klipa Mikita Kostačka — jaho siabar dziacinstva.

«Jon patelefanavaŭ mnie i spytaŭsia, ci jość u mianie na prykmiecie mašyna, u jakoj možna adrezać dach. U mianie takaja mašyna była. A kali my sustrelisia, skazaŭ, što ja idealna padychodžu na rolu padletka 90-ch. Kaniečnie, usio, pra što idzie havorka ŭ klipie, mnie blizkaje. Dumaju, luby čałaviek, jaki vyras u 90-ja, znojdzie ŭ hetym videa niešta blizkaje», — raskazvaje Rusłan.