Прэзідэнт Бразіліі абвінаваціў Леанарда ды Капрыа ў падпале лясоў
30.11.2019 / 05:17
Прэзідэнт Бразіліі Жаір Балсанару заявіў, што вядомы амерыканскі акцёр Леанарда ды Капрыа спансіруе арганізацыі, якія арганізоўваюць лясныя пажары ў Амазоніі, паведамляе Associated Press.
«Ды Капрыа — круты хлопец, ці не так? Даваць грошы на падпал Амазоніі», — заявіў Балсанару.
Ён адзначыў, што акцёр выдае грошы няўрадавым арганізацыям, якія займаюцца падпалам лясоў.
«Фатаграфуюць, адпраўляюць фота ў арганізацыю, тая іх распаўсюджвае, затым звязваецца з Леанарда ды Капрыа, ён выплачвае 500 тысяч даляраў гэтай арганізацыі», — заявіў прэзідэнт.