Što buduć rabić paśla dyskvalifikacyi Rasii biełaruskija spartśmieny, jakija źmianili hramadzianstva?
Spartśmienaŭ, jakija admovilisia ad Biełarusi na karyść Rasii, nie tak mała. Ale što ž jany buduć rabić ciapier, kali Rasii zabaranili ŭdzielničać u mižnarodnych spabornictvach?
10.12.2019 / 15:02
Valejbalist Jahor Kluka: u mianie niama adkazaŭ
U 2012 kobryniec Jahor Kluka vyrašyŭ źmianić hramadzianstva i staŭ vystupać za kłub «Fakieł» z Novaha Urenhoju. Tady Jahor raskazvaŭ, što «pierajezd u Rasiju vyratavaŭ jaho karjeru».
Ciaham apošnich hadoŭ Kluka paśpiachova vystupaŭ na mižnarodnych spabornictvach u składzie zbornaj Rasii, navat staŭ čempijonam Jeŭropy ŭ 2017 hodzie.
Na pytańnie, jak dyskvalifikacyja Rasii adabjecca na jaho karjery, Jahor vykazaŭsia vielmi strymana:
«U mianie niama adkazaŭ na heta pytańnie. Jak niama adkazu i na pytańnie, ci płanuju ja viarnucca ŭ Biełaruś. U svoj čas ja šmat čaho nahavaryŭ ŚMI, ciapier vučusia na svaich pamyłkach. Tamu pakul kamientavać ničoha nie budu», — skazaŭ Jahor Kluka.
Piaciborac Alaksandr Lasun: vystuplu ŭ Tokia, paśla vaźmu paŭzu
Alaksandr Lasun naradziŭsia ŭ Barysavie i dastatkova paśpiachova vystupaŭ za zbornuju Biełarusi. Paśla Alimpijady-2008 pierajechaŭ u Rasiju. Tady nazyvaŭ dla hetaha dźvie pryčyny: u Biełarusi jamu zabaraniali vystupać pa stanie zdaroŭja, dyj vybicca ŭ zbornuju było mała šancaŭ.
fota Petr Toman / Shutterstock.com
U składzie zbornaj Rasii Lasun zavajavaŭ alimpijskaje zołata ŭ Rya-de-Žaniejra.
«Ščyra kažučy, ja pakul nie viedaju, ci adabjecca heta na majoj karjery. Sumniajusia, kaniečnie, ale pryjemnaha mała», — dzielicca Alaksandr.
Nakont mahčymaści čarhovy raz źmianić krainu Alaksandr adkazvaje ŭchilista:
«Usio budzie zaležać ad prapanoŭ. Ja b chacieŭ paśla vystupleńnia na Alimpijadzie ŭ Tokia zrabić paŭzu. Nakolki mnie viadoma, čystyja spartśmieny buduć mieć dopusk da ŭdziełu ŭ hulniach, ale spačatku na Alimpijadu treba adabracca», — kaža Alaksandr.
Kidalnik mołata Mikałaj Bašan: kali pakličuć u Biełaruś, viarnusia biezumoŭna
Mikałaj Bašan maje dva hramadzianstvy: rasijskaje i biełaruskaje. Pryznajecca, što, kali atrymlivaŭ rasijskaje hramadzianstva, asabliva nie ŭśviedamlaŭ, dla čaho jamu heta.
«Ja byŭ jašče dziciem, źjechaŭ u Rasiju razam z trenieram», — pryznajecca Mikałaj.
Surjoznych dasiahnieńniaŭ na mižnarodnym uzroŭni Mikałaj u składzie rasijskaj zbornaj tak i nie damohsia, tamu na pytańnie pra toje, što budzie rabić ciapier, ščyra adkazvaje:
«Tołkam jašče nie zrazumieła, što ciapier budzie. Ale kali pakličuć vystupać za zbornuju Biełarusi, viarnusia biezumoŭna!»