U Breście 18-hadovy chłopiec zmaniŭ SK, bo bajaŭsia baćkoŭ
17.12.2019 / 16:42
Cikavy vypadak adbyŭsia ŭ Breście, paviedamlaje SK. U kancy kastryčnika ŭ addzieł Śledčaha kamiteta źviarnuŭsia 18-hadovy chłopiec. Jon raspavioŭ, što ŭ žniŭni niejki nieviadomy zavałodaŭ jaho hulniavoj prystaŭkaj.
Chłopiec raźmiaściŭ abjavu ab prodažy kansoli ŭ internecie. Jamu patelefanavaŭ mužčyna, jaki ŭziaŭ kansol dla pravierki, adnak nie viarnuŭ i hrošy nie zapłaciŭ.
Adnak milicyja vyśvietliła, što hety samy chłopiec usio ž atrymaŭ hrošy za prystaŭku, ale patraciŭ ich i pabajaŭsia paviedamić pra heta baćkam, tamu i źviarnuŭsia z zajavaj u SK.
U dačynieńni da chłopca zaviedziena kryminalnaja sprava pa art. 400 Kryminalnaha kodeksa. Rasśledavańnie praciahvajecca.