Міліцыя: Папярэдзілі Севярынца, што 20 снежня праводзіцца дабрачынная акцыя «Нашы дзеці»
18.12.2019 / 18:20
Міліцыя раскрыла падрабязнасці прафілактычнай гутаркі з Паўлам Севярынцам, якога раніцай схапілі, а па абедзе адпусцілі.
Як паведамляе ведамства на сваім сайце, «Павел Севярынец праінфармаваны аб тым, што ў цяперашні час на тэрыторыі Рэспублікі Беларусь праводзіцца дабрачынная акцыя «Нашы дзеці». Штодня ў Палацы Рэспублікі праходзяць навагоднія мерапрыемствы для дзяцей, якія прыбываюць у сталіцу з розных рэгіёнаў рэспублікі. У тым ліку і 20 снежня ў будынку Палаца Рэспублікі будзе праводзіцца паказаная дабрачынная акцыя, у якой возьме ўдзел вялікая колькасць грамадзян».
«Правядзенне несанкцыянаванага мерапрыемства ўяўляе пагрозу бяспецы дзяцей і іх бацькоў», — папярэдзілі сілавікі.