Bukmiekierskaja kantora «Leon» stała tytulnym sponsaram HK «Viciaź». Ciapier kłub budzie nazyvacca «Viciaź — Leon»

Bukmiekierskaja kantora «Leon» raspačała supracoŭnictva ŭ jakaści tytulnaha sponsara handbolnaha kłuba «Viciaź». Heta pieršy sumiesny prajekt bukmiekierskaj kantory z handbolnym kłubam u Biełarusi. Z hetaha momantu kłub aficyjna źmianiaje nazvu na «Viciaź — Leon».

24.12.2019 / 14:44

Partniorskija adnosiny skiravany jak na padtrymku sportu na nacyjanalnym uzroŭni, tak i na papularyzacyju biełaruskaj movy. 

Bukmiekierskaja kantora «Leon» nie prosta pracuje ŭ Biełarusi, ale imkniecca raźvivać brend na terytoryi ŭsioj krainy. Sajt bukmiekierskaj kantory «Leon» maje biełaruskamoŭnuju viersiju, a ambasadaram brenda źjaŭlajecca suśvietna viadomy biełaruski spartoviec i vakalist hurta «Brutto» Vital Hurkoŭ. Na siońniašni dzień bukmiekierskaja kantora «Leon» — heta nie tolki mahčymaść rabić staŭki na spartovyja padziei, ale i prapahanda sportu, zdarovaha ładu žyćcia, a taksama biełaruskaj movy.

Łahičnym praciaham staŭ pačatak supracoŭnictva z «Viciaziem» — adnym z samych biełaruskamoŭnych spartovych kłubaŭ. BK «Leon» maje na mecie padtrymać raźvićcio kłuba «Viciaź» i paspryjać jaho vychadu na novy ŭzrovień. Akramia abnoŭlenaj nazvy HK «Viciaź — Leon», kamandu čakaje źmiena spartovaj formy: u joj budzie i nacyjanalnaja simvolika, i łahatyp bukmiekierskaj kantory. Takoje partniorstva stanie cikavaj źjavaj u spartovym i kulturnym płanie. Praduhledžana rabota z kłubam, vynikam jakoj stanuć sumiesnyja padziei i treniroŭki, spabornictvy, prasoŭvańnie i rekłama ŭ sacyjalnaj prastory.

Nashaniva.com