У Крупскім раёне вандал пашкодзіў 22 надмагіллі і помнік ахвярам вайны
08.01.2020 / 15:33
7 студзеня ў міліцыю звярнулася 51-гадовая жыхарка Халопенічаў. Жанчына прыйшла на могілкі ў пасёлку і пабачыла, што там пашкоджаны надмагільныя помнікі. Тры з іх былі на магілах яе сваякоў, паведамляе абласная міліцыя.
Следча-аператыўная група ўстанавіла, што на могілках пашкоджаныя 22 надмагільныя помнікі, а таксама помнік «Брацкая магіла 1944 года», які з'яўляецца гісторыка-культурнай каштоўнасцю.
Вандала хутка затрымалі і змясцілі ў ізалятар.