Мінчанка выгульвала сабаку і знайшла на беразе Свіслачы ў цэнтры сталіцы труп 30-гадовага мужчыны
19.01.2020 / 12:13
Жанчына гуляла з сабакам недалёка ад гасцініцы «Беларусь» па набярэжнай Свіслачы. Цела мужчыны знайшоў сабака — труп ляжаў на сушы ля новага пешаходнага мастка, які злучае гасцініцу і Палац спорту. Мінчанка выклікала «хуткую» і міліцыю, паведамляюць Мінск-навіны.
Супрацоўнікі аператыўна-дзяжурнай службы Цэнтральнага РУУС пацвердзілі інфармацыю: знойдзена цела мужчыны, на выгляд прыкладна 30-35 гадоў.
На месцы здарэння працуе следча-аператыўная група.