У Польшчы створаць крызісны штаб пасля заяў Пуціна
20.01.2020 / 20:30
У канцылярыі прэзідэнта Польшчы Анджэя Дуды ствараюць крызісны штаб з-за планаванага выступу на форуме пра Халакост прэзідэнта Расіі Уладзіміра Пуціна, паведамляе RMF24.
Асцярогі Польшчы выкліканыя тым, што Пуцін у чарговы раз можа абылгаць Польшчу, абвінаваціўшы ў саўдзеле ў знішчэнні яўрэяў.
У прэзідэнцкай канцылярыі ствараецца штаб, які складаецца з камунікацыйных экспертаў і гісторыкаў, якія хутка будуць рэагаваць на хлуслівыя заявы Пуціна.
Акрамя таго, канцылярыя прэм'ер-міністра Матэуша Маравецкага падрыхтавала серыю платных артыкулаў у амерыканскіх і ізраільскіх газетах, якія закліканы паказаць польскую версію гістарычных падзей.