Гарбачова абразілі словы Зяленскага пра Другую сусветную вайну
31.01.2020 / 20:54
Экс-прэзідэнта СССР Міхаіла Гарбачова абразілі словы прэзідэнта Украіны Уладзіміра Зяленскага, які падтрымаў пазіцыю Польшчы адносна Другой сусветнай вайны, паведамляе РБК.
«Чыім інтарэсам яно [выказванне Зяленскага] служыць? Палітыкі і гісторыкі, якія такое кажуць, абражаюць памяць тых, хто аддаў жыццё дзеля перамогі над фашызмам», — сказаў Гарбачоў.
Нагадаем, у Польшчы ў дзень 75-годдзя вызвалення нацысцкага канцлагера Аўшвіц-Біркенаў прэзідэнт Украіны заявіў: «Польшча і польскі народ першымі адчулі на сабе наступствы злачыннай змовы таталітарных рэжымаў. Гэта прывяло да пачатку Другой сусветнай вайны і дазволіла нацыстам запусціць смяротны махавік халакосту».