Макей абмеркаваў з камісарам па пытаннях пашырэння ЕС графік наступных кантактаў
10.03.2020 / 18:55
10 сакавіка адбылася тэлефонная размова міністра замежных спраў Беларусі Уладзіміра Макея з еўрапейскім камісарам па суседстве і перамовах аб пашырэнні ЕС Оліверам Вархеі, паведамляе прэс-служба МЗС.
Бакі абмяняліся думкамі пра актуальныя пытанні ўзаемаадносін, у тым ліку супрацоўніцтва ў межах Усходняга партнёрства і развіццё сумеснай дагаворна-прававой базы. Суразмоўцы таксама абмеркавалі графік далейшых кантактаў.