Zjaviłasia strachoŭka ad karanavirusa. Kali čałaviek pamre, svajakam zapłaciać u 100 razoŭ bolš
20.03.2020 / 22:23
«Biełdziaržstrach» prapanavaŭ kłijentam novuju pasłuhu — strachavańnie ad karanavirusa.
Strachavaja suma — ad 3000 rubloŭ. Uznos — 1% ad strachavoj sumy.
Kolki zapłaciać pacyjentu ci jaho svajakam u vypadku chvaroby?
Kali chvaroba vyjavicca raniej, čym praz 21 dzień, 15% ad strachavoj sumy. Kali paźniej — 20%. Narešcie, u vypadku śmierci spadčyńnikam pamierłaha zapłaciać 100%.
Inšymi słovami, kali niechta zastrachuje siabie na $100 i raptam pamre, jaho svajaki atrymajuć $10 tysiač.
«Takaja damova z’iaviłasia jašče ŭ 2009 hodzie, — patłumačyli ŭ «Biełdziaržstrachu». — Jana nazyvajecca «Dobraachvotnaje strachavańnie ad niebiaśpiečnych zachvorvańniaŭ». Pasłuhu strachavańnia ad karanavirusa my dadali, kali pačaŭsia ažyjataž i z’iavilisia pieršyja zachvarełyja.
Akramia karanavirusa, zastrachavać siabie možna ad VIČ-infiekcyi, chalery, čumy i inšych ciažkich chvarob».
U «Biełdziaržstrachu» pacvierdzili, što popyt na pasłuhu jość i niekalki čałaviek užo zastrachavalisia.