Kiraŭnikom inicyjatyŭnaj hrupy Babaryki budzie jaho syn
12.05.2020 / 14:32
Eduard Babaryka, fota Tut.by
Inicyjatyŭnuju hrupu pa vyłučeńni kandydatam u prezidenty ŭznačalić syn Viktara Babaryki Eduard. Pra heta bankir, jaki siońnia zajaviŭ, što budzie ŭdzielničać u vybarach prezidenta, paviedamiŭ Tut.bu.
Taksama Viktar Babaryka skazaŭ, što ŭ inicyjatyŭnuju hrupu zaraz nabirajuć u ručnym režymie, pa haradskim telefonie.
«Mnie vielmi patrebnyja ludzi, jakija hatovyja pracavać u štabie i źbirać podpisy. Bo rašeńnie ja pryniaŭ, ale terminy vielmi ścisnutyja. U mianie jość varyjant, jak vyrašyć prablemu — 4 tysiačy podpisaŭ u dzień, ale mnie patrebnyja ludzi, jakija hatovyja stać kaardynatarami i pracavać u štabie ŭ inicyjatyŭnaj hrupie», — adznačyŭ Viktar Babaryka.
Eduard Babaryka ŭznačalvaje kraŭdfandynhavuju placoŭku Ulej.by, jakaja źbiraje hrošy na raznastajnyja prajekty.