На МКАД самазвал перакуліўся і разламаў раздзяляльную агароджу
14.05.2020 / 16:47
Грузавік з пяском перакуліўся на кальцавой дарозе, паведамляе ДАІ ў сваім тэлеграм-канале
Кіроўца МАЗа ехаў па МКАД з боку вуліцы Убарэвіча ў кірунку Ігуменскага тракта ў крайняй правай паласе. У нейкі момант грузавік пайшоў у некіраваны занос і перакуліўся, разламаўшы некалькі метраў раздзяляльнай агароджы.
У аварыі ніхто не пацярпеў. Прычыны і абставіны ДТЗ высвятляюць супрацоўнікі ДАІ.