Чарга паставіць подпіс за Ціханоўскую расцягнулася на 500 метраў ФОТАФАКТ
удакладнена
24.05.2020 / 12:30
Тысячы людзей пабывалі 24 мая ў Мінску на перадвыбарчым пікеце Святланы Ціханоўскай і Уладзіміра Няпомняшчых — кандыдатаў пратэсту. Чарга, каб паставіць подпіс за Святлану Ціханоўскую, расцягнулася на 500 метраў — ад уваходу ў Камароўскі рынак за Дом мэблі, па вуліцы Харужай.
Святлана Ціханоўская — жонка самага папулярнага беларускага відэаблогера Сяргея Ціханоўскага. Калі яго арыштавалі на 15 сутак, каб не даць магчымасці падаць дакументы ў якасці кандыдата, сваю кандыдатуру вылучыла яна.
Выбаршчыкі былі ў масках, Сяргея Ціханоўскага людзі ў чарзе сустракалі апладысментамі.
Карэспандэнт «Нашай Нівы» палічыў людзей у чарзе па галавах па стане на 12.30. Іх было 428.
Пазней чарга выцягнулася на 500 метраў, амаль да ўваходу ў метро.