Шоўмен Каверын: Так бездапаможна, як цяпер, наша ўлада не выглядала. Спачатку з каранавірусам, зараз з Ціханоўскім
30.05.2020 / 17:16
Шоўмен, дыктар «Барысаў-Арэны» Канстанцін Каверын пракаментаваў затрыманне ў Гродне блогера Сяргея Ціханоўскага.
«Так бездапаможна, як цяпер, наша ўлада яшчэ не выглядала. Біла дубінкамі, хапала, саджала і г. д. — гэта было. Але гэта заўсёды было магутна, прыгожа, нават элегантна — р-раз, і няма нікога. Але спачатку з каранавірусам, а цяпер з Ціханоўскім… Братцы, ну, гэта проста шкада.
І ўсё роўна гэтая ўлада пераможа. Бо вельмі мала людзей, якім гэта ўсё не падабаецца. Крытычна мала», — напісаў Каверын на сваёй старонцы ў фэйсбуку.