ЧС па хакеі ў Мінску і Рызе пройдзе на два тыдні пазней
22.06.2020 / 16:25
На штогадовым кангрэсе Міжнароднай федэрацыі хакея зацверджаны новыя даты правядзення чэмпіянату свету па хакеі 2021 года.
Талісман ЧС па хакеі
Турнір перанесены на два тыдні і стартуе не 7, а 21 мая. Фінальны матч пройдзе на «Мінск-Арэне» 6 чэрвеня.
Зборная Беларусі правядзе свае матчы ў Мінску. Яе супернікамі па групе «А» будуць Расія, Чэхія, Швецыя, Швейцарыя, Славакія, Данія і Вялікабрытанія.
У Рызе згуляюць Канада, Фінляндыя, ЗША, Германія, Латвія, Нарвегія, Італія і Казахстан.
ЧС па хакеі ў гэтым годзе меўся прайсці ў Швейцарыі, але з-за каранавіруса адменены.