Трэнер Васіль Хамутоўскі: Я за празрыстыя і сумленныя выбары!
23.06.2020 / 14:52
Фота ФК «Дынама» Брэст
Трэнер брэсцкага «Дынама» і былы брамнік зборнай Беларусі Васіль Хамутоўскі заклікаў правесці празрыстыя і сумленныя выбары.
«Джордж Оруэл пісаў: «У часы ўсеагульнай хлусні казаць праўду — гэта экстрэмізм»!
За тыя гады, што гуляў і жыў у Еўропе, прасякнуўся адным — паважай сябе і навакольных. Паважай сваё меркаванне і пазіцыю іншых! Не важна, якая ў яго ці ў цябе пасада і становішча.
Мы ўсе Асобы! Жадаю, каб кожны меў сваё меркаванне і свабоду яго выказаць! Я за празрыстыя і сумленныя выбары!» — напісаў Хамутоўскі на сваёй старонцы ў Instagram.