У Гомелі ад пнеўманіі памёр дырэктар школы №39
26.06.2020 / 15:47
Сяргею Камышу было 49 год. Мужчына апошнім часам быў у бальніцы, дзе яго лячылі ад пнеўманіі, ён памёр 25 чэрвеня, паведамляе гарадскі часопіс «Белка».
Фота з сайта школы №39
Усё сваё жыццё Сяргей Камыш прысвяціў педагагічнай дзейнасці. У жніўні 2005 года узначаліў гомельскую школу № 39. Калегі кажуць пра яго як пра выключна працавітага і сціплага чалавека.
Развітанне з Сяргеем Камышом пройдзе заўтра, 27 чэрвеня, з 11 да 12 гадзіны, у царкве Іаана Кармянскага.