Stop killing Belarus! Цэнтр Берліна быў перакрыты для акцыі беларусаў
19.07.2020 / 13:18
Фота з фэйсбука Аляксея Палуяна.
Яскравая акцыя салідарнасці з народам Беларусі прайшла ў Берліне 18 ліпеня. Беларусы Нямеччыны прайшлі праз Брандэрбургскую браму шэсцем да Александэрпляц. Нямецкая паліцыя дзеля беларускага шэсця перакрыла вуліцы.
У шэсці ўзялі ўдзел каля 200 чалавек. Яны неслі нацыянальныя сцягі і самаробныя плакаты. Сярод іншага, намалявалі людзі і выявы сэрца, кулака і знака перамогі, якія ў апошнія дні сталі сімваламі кампаніі зняволеных Сяргея Ціханоўскага, Віктара Бабарыкі і незарэгістраванага Валерыя Цапкалы.
У цэнтры фота вы бачыце плакат на англійскай мове: Stop killing Belarus! — «Спыніцеся забіваць Беларусь!»