Сіноптыкі: 1 жніўня — халаднавата
01.08.2020 / 09:11
1 жніўня ўмовы надвор'я ў Беларусі будзе вызначаць прахалодная няўстойлівая паветраная маса, якая паступае з поўначы Еўропы, паведамляе Белгідрамет. Чакаецца воблачнае з праясненнямі надвор'е. Ноччу месцамі, днём у многіх раёнах кароткачасовыя дажджы. У дзённыя гадзіны месцамі навальніцы.
Вецер паўночна-заходні, паўночны, умераны, днём парывісты. Тэмпература паветра мінімальная ноччу +8..+14°С, максімальная днём +18..+24°С.