Дэпутатка Васілевіч прыехала ў Бальніцу хуткай дапамогі наведаць збітых дэманстрантаў
20.08.2020 / 15:13
У Бальніцу хуткай дапамогі да збітых дэманстрантаў прыехала група дэпутатаў Палаты прадстаўнікоў, у тым ліку і Марыя Васілевіч.
Пра гэта паведамляе параненая журналістка «Нашай Нівы» Наталля Лубнеўская, якая па-ранейшаму знаходзіцца на лячэнні.
Дэпутаты пыталіся, якая дапамога патрэбна. Выступіць з афіцыйным зваротам наконт фальсіфікацый і збіцця зняволеных яны адмовіліся.
Казалі, што хочуць разабрацца, ці праўду пішуць незалежныя СМІ і каго трэба прыцягнуць да адказнасці.