MZS Polščy nie stała kamientavać słovy Łukašenki pra falsifikacyju atručvańnia Navalnaha
03.09.2020 / 14:42
Ministerstva zamiežnych spraŭ Polščy admoviłasia ŭ čaćvier kamientavać zajavu Alaksandra Łukašenki ab pierachopie razmovy Bierlina i Varšavy, jakaja śviedčyć pra toje, što infarmacyja ab atručeńni Alaksieja Navalnaha była falsifikacyjaj.
«Ministerstva zamiežnych spraŭ, jak praviła, nie kamientuje mierkavańni, vykazanyja kiraŭnikami inšych dziaržaŭ», — zaznačyła pres-słužba polskaha źniešniepalityčnaha viedamstva ŭ adkaz na prośbu TASS prakamientavać zajavu Łukašenki.
Raniej u čaćvier na sustrečy sa staršynioj urada Rasii Michaiłam Mišuścinym Łukašenka paviedamiŭ, što biełaruskaj vajennaj radyjoelektronnaj raźviedcy ŭdałosia pierachapić razmovu Varšavy ź Bierlinam, jakaja śviedčyć ab tym, što słovy kanclera FRH Anhieły Mierkiel ab atručeńni — falsifikacyja. Jak skazaŭ Łukašenka, nijakaha atručvańnia Navalnaha nie było.