Minsk pieradaŭ FSB źviestki ab falsifikacyi ŭ zajavie Mierkiel pra atručeńnie Navalnaha
04.09.2020 / 12:41
Biełaruś pieradała Rasii źviestki ab tym, što zajavy kanclera FRH Anhieły Mierkiel ab atručeńni palityka Alaksieja Navalnaha źjaŭlajucca falsifikacyjaj. Pra heta zajaviŭ pres-sakratar rasijskaha prezidenta Dźmitryj Piaskoŭ.
Pa słovach Piaskova, ciapier analizujuć danyja ŭ FSB. «U cełym heta materyjały, jakija pa linii śpiecyjalnych słužbaŭ cyrkulujuć, jany analizujucca ŭ našych śpiecsłužbach», — skazaŭ pres-sakratar.
Jon adznačyŭ, što materyjały byli pieradadzienyja Minskam u čaćvier. Słovy Alaksandra Łukašenki pra falsifikacyju zajaŭ ab atručeńni Navalnaha ŭ Kramli prakamientavać pakul nie mohuć, pakolki pakul jašče nie znajomyja z detalami.