Ціханоўская збіраецца наведаць Польшчу
05.09.2020 / 11:04
Святлана Ціханоўская плануе наведаць з візітам Польшчу. Пра гэта паведаміў у суботу ў эфіры радыёстанцыі ZET намеснік міністра замежных спраў Рэспублікі Павел Яблоньскі.
«Я ведаю, што такія планы ёсць. Думаю, пра дэталі паведамяць», — сказаў ён.
У пятніцу арганізацыя «Беларускі дом у Варшаве» паведаміла аб правядзенні ў польскай сталіцы сустрэчы з Ціханоўскай, якая арганізуецца пры ўдзеле канцылярыі прэм'ер-міністра Польшчы.
Паводле інфармацыі, размешчанай на старонцы «Беларускага дома» ў Facebook, сустрэча запланаваная на 9 верасня.