Пуцін і Сі Цзіньпін павіншавалі Кім Чэн Ына
09.09.2020 / 08:14
Прэзідэнт РФ накіраваў віншавальную тэлеграму лідару КНДР у сувязі з 72-й гадавінай заснавання дзяржавы, піша rbc.ru.
У тэлеграме адзначаецца, што стасункі паміж Расіяй і КНДР традыцыйна маюць сяброўскі і добрасуседскі характар, згадваецца «канструктыўны двухбаковы дыялог» і «ўзаемавыгаднае супрацоўніцтва ў розных сферах».
Пуцін пажадаў Кім Чэн Ыну моцнага здароўя і поспехаў, а ўсім грамадзянам КНДР — шчасця і дабрабыту.
Акрамя расійскага прэзідэнта, свае віншаванні Кім Чэн Ыну накіравалі кітайскі лідар Сі Цзіньпін, лідары Кубы і прэзідэнт В'етнама Нгуен Фу Чонг.