Sajt Ministerstva pa padatkach i zborach i pracuje ŭ štatnym režymie, ale ataki iduć
14.09.2020 / 15:53
Fota Vadzima Zamiroŭskaha, TUT.BY
Sajt Ministerstva pa padatkach i zborach i elektronnyja servisy pracujuć u štatnym režymie. Pra heta paviedamili ŭ pres-słužbie MPZ, piša Tut.by. Raniej u sietcy raspaŭsiudžvałasia paviedamleńnie, što na padatkovyja servisy mohuć ździejśnić kibierataki.
Toje, što ataki na sajt i elektronnyja servisy MPZ ciapier iduć, u viedamstvie nie admaŭlajuć. Ale akcentujuć uvahu na tym, što zbojaŭ u pracy servisaŭ dla karystalnikaŭ niama.
Pavodle źviestak viedamstva, ranicaj u paniadziełak naziralisia niaznačnyja prablemy z uvachodam u asabistyja kabiniety karystalnikaŭ.
Pa našaj infarmacyi, z padobnymi ciažkaściami sutykalisia i raniej jurydyčnyja asoby, jakija zachodziać u asabistyja kabiniety pa elektronnym ličbavym podpisie. Pry abnaŭleńnie braŭziera, jak praviła, usio spracoŭvała.
U viedamstvie adznačajuć, što nie bačać pieradumoŭ dla zbojaŭ u pracy elektronnych servisaŭ, bo «jany majuć dastatkovuju abaronienaść».