Prezident Estonii — biełaruskim uładam: Haaha nie tak užo i daloka
14.09.2020 / 17:22
Kierści Kaljułajd. Aŭtar: Sergei Stepanov / ERR.
Prezident Estonii Kierści Kaljułajd papiaredziła ciapierašnich kiraŭnikoŭ Biełarusi, jakija ŭžyvajuć hvałt dla padaŭleńnia mirnych pratestaŭ, pra toje, što jany mohuć być pryciahnutyja da adkaznaści ŭ Mižnarodnym kryminalnym sudzie.
«Vielmi važna, kab asoby, jakija prymajuć rašeńni ŭ Minsku, razumieli, što Haaha nasamreč znachodzicca nie tak užo daloka», — zajaviła Kaljułajd u paniadziełak u intervju ERR, skazaŭšy, što vinavatyja ŭ hvałcie suprać biełaruskaj apazicyi pavinny być jak maha chutčej pakaranyja.
U Haazie znachodzicca Mižnarodny kryminalny sud, jaki adkazvaje za pryciahnieńnie da adkaznaści vinavatych u hienacydzie, złačynstvach suprać čałaviečnaści i vajennaj ahresii.