Здарэнне на нафтабазе ў Баранавічах. Ёсць пацярпелы

09.11.2020 / 16:18

Дым пасля выбуху. Фота Ігара Масціцкага.

Выданне Intex-press піша, што cёння адбыўся выбух на нафтабазе ў Баранавічах. Ёсць пацярпелы.

Потым афіцыйны прадстаўнік МНС Віталь Навіцкі ў сваім акаўнце ў фэйсбуку пракаментаваў здарэнне:

«У 11:37 у МНС паступіла паведамленне пра выбух газапаветранай сумесі без наступнага гарэння на тэрыторыі в/ч 55435 ў Баранавічах. У выніку ўспышкі траўмаваны работнік ТАА «Экапрамойл», які выконваў рамонт рэзервуара. Ён шпіталізаваны», — напісаў ён.

Мінабароны дадае, што яго жыццю нічога не пагражае.