U Breście šaścikłaśnica pad pahrozaj «pistaleta» advodziła dziaciej u park VIDEA
11.11.2020 / 19:42
U pačatku listapada čacviora žycharoŭ abłasnoha centra paviedamili ŭ milicyju pra toje, što maładaja dziaŭčyna pad pahrozaj pistaleta advodziła ich dziaciej-školnikaŭ u park, dzie kłała ich na ziamlu, zakryvała dałońniu rot i niekatorych biła. 10 listapada na vulicy Arłoŭskaj syščyki zatrymali 11-hadovuju dziaŭčynku, kali jana viała čarhovaje dzicia ŭ park. Dla zastrašvańnia achviary jana vykarystała cacačny pistalet, paviedamlaje UUS.
Sa słoŭ školnicy, jana nie chacieła naškodzić paciarpiełym i napadała na ich dziela chajpu (vychadki pavinny byli lehčy ŭ asnovu prank-rolikaŭ ab zapałochvańni dziaciej i pavialičyć kolkaść padpisčykaŭ bieraściejki ŭ sacyjalnaj sietcy). Adnak znajomy haradžanki admoviŭsia ad roli apieratara.
U dačynieńni da mamy budzie składzieny administracyjny pratakoł za nievykanańnie abaviazkaŭ pa vychavańni dziaciej, a z dziaŭčynkaj budzie pravodzicca indyvidualnaja prafiłaktyčnaja rabota.