U Hrodnie chłopiec, jaki raspyliŭ haz la RAUS, atrymaŭ 4 hady damašniaj «chimii»

11.12.2020 / 19:00

11 śniežnia ŭ sudzie Kastryčnickaha rajonu Harodni abvieščany prysud pa kryminalnaj spravie Mikity Samaryna. Jaho vinavacili u parušeńni 364 artykuła Kryminalnaha kodeksu (Hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ), paviedamlajuć pravaabaroncy.

Spravu razhladaŭ suddzia Rusłan Chichoł. Paciarpieły — supracoŭnik milicyi Siarhiej Bilida.

25 žniŭnia padčas pikietu pablizu Kastryčnickaha RAUS małady čałaviek pasprabavaŭ zastupicca za supracoŭnika AAT «Azot», kali taho sprabavali zatrymać nieviadomyja ŭ cyvilnym. U adnaho ź ich, pa viersii śledstva, Mikita raspyliŭ haz.

Suddzia Chichoł abviaściŭ prysud — čatyry hady abmiežavańnia voli biez nakiravańnia va ŭstanovy adkrytaha typu (chatniaja chimija). Aproč taho, Samaryn pavinien vypłacić paciarpiełamu 500 rubloŭ hrašovaj kampiensacyi.