Украіна абнавіла спіс краін «чырвонай зоны» па COVID-19. Цяпер там Беларусь
На сайце ўкраінскага Міністэрства аховы здароўя абнавіўся спіс краін, якія лічацца небяспечнымі для паездак з-за развіцця пандэміі. Туды трапіла Беларусь.
12.01.2021 / 21:17
Краіны, у якіх хварэюць часцей, чым ва Украіне, аднеслі да «чырвонай» зоны. Пасля вяртання адтуль неабходна адпраўляцца на 14-дзённую самаізаляцыю з-за высокай рызыкі быць заражаным падчас паездкі. Каб не праходзіць каранцін, можна на працягу 24 гадзін пасля перасячэння мяжы здаць ПЦР-тэст і дачакацца негатыўнага выніку.
Патэнцыйна небяспечнымі краінамі з узроўнем захворвання больш, чым ва Украіне, застаюцца 55 дзяржаў. У «чырвоную» зону трапіла і Беларусь.