Максім Знак застаецца ў СІЗА да сакавіка, суд адхіліў скаргу абароны
Суд Партызанскага раёна сёння пакінуў без задавальнення скаргу абароны Максіма Знака на падаўжэнне тэрміну зняволення пад варту да 9 сакавіка.
25.01.2021 / 14:45
Юрыст застаецца ў СІЗА №1 на вуліцы Валадарскага, паведамляе прэс-служба Віктара Бабарыкі.
Максім Знак быў затрыманы 9 верасня. Ён абвінавачваецца ў закліках да дзеянняў супраць нацбяспекі (ч. 3. арт. 361 КК), абарона сёння накіравала ў генпракуратуру скаргу на ўсе папярэднія адмовы ў спыненні крымінальнага пераследу. Гэта справа Каардынацыйнай рады.
У снежні Генпракуратура завяла дзве новыя крымінальныя справы ў дачыненні да членаў Каардынацыйнай рады па фактах стварэння экстрэмісцкага фарміравання і кіраўніцтва ім, фінансавання яго дзейнасці і змовы з мэтай захопу дзяржаўнай улады неканстытуцыйным шляхам. Максіму Знаку абвінавачванняў па новых справах выстаўлена не было.