У Лідзе ў кватэры знайшлі целы траіх загінулых
22 студзеня ў кватэры ў шматпавярховым доме па вуліцы Касманаўтаў у Лідзе выяўленыя тры чалавекі без прыкмет жыцця, паведамляе S13.
25.01.2021 / 17:52
Высветлілася, што двума гадзінамі раней мужчына прыйшоў наведаць сваякоў. Дзверы былі зачыненыя знутры і на стук ніхто не рэагаваў. Калі атрымалася ўвайсці, у калідоры на падлозе знаходзіўся 40-гадовы брат, у пакоі — 73-гадовы бацька і яго 68-гадовая знаёмая.
Агнём пашкоджаны канапа і крэсла ў пакоі, закураны сцены і столь у кватэры. Найбольш імаверная прычына ўзнікнення пажару — неасцярожнасць пры курэнні.