Пяскоў назваў Украіну недружалюбнай дзяржавай і праектам Захаду
Расія прызнае Украіну як дзяржаву, аднак лічыць, што пасля Еўрамайдана яна ператварылася ў праект Захаду. Пра гэта паведаміў прэс-сакратар прэзідэнта Расіі Дзмітрый Пяскоў, піша РБК.
18.02.2021 / 15:21
«З таго моманту, як ва Украіне адбыўся сілавы пераварот пры патуранні шэрагу заходніх краін, Украіна ператварылася ў праект гэтых заходніх краін», — сказаў ён.
Раней пра тое, што сучасная Украіна — «геапалітычны праект» Захаду, казаў прэзідэнт Расіі Уладзімір Пуцін. Паводле яго слоў, заплаціць «за яго спрабуюць праціўнікі будаўніцтва газаправода «Паўночны паток-2».