Ukraina pakinuła Biełaruś u «čyrvonaj» zonie, patrebny karancin abo PCR-test

Ukraina abnaviła śpis krain «čyrvonaj» i «zialonaj» zon. «Čyrvony» śpis skaraciŭsia da 61 krainy, piša RBK-Ukraina.

26.02.2021 / 14:37

RBK-Ukraina

U paraŭnańni z papiarednim tydniem «čyrvony» śpis skaraciŭsia na 10 krain. Takim čynam, «zialonymi» stali Šviejcaryja, Hruzija, Kałumbija, Kipr, Rumynija, Balivija, Bałharyja, Batsvana, Małajzija, Rasija.

Biełaruś, jak i Polšča, Litva, Łatvija, Čechija, Italija, Ispanija zastajucca ŭ «čyrvonaj zonie».

Pa pryjeździe z hetych krain patrebna dvuchtydniovaja samaizalacyja. Daterminova ź jaje možna vyjści, kali PCR-test pakaža admoŭny vynik. Pry hetym možna pryvieźci test z saboj, ale jon pavinien być zrobleny nie raniej, čym za dvoje sutak da pryjezdu.