Małdova pieršaj u Jeŭropie atrymała vakcyny suprać karanavirusa biaspłatna
05.03.2021 / 18:17
U Małdovu 4 sakavika prybyła pieršaja partyja vakcyn, atrymanych praz płatformu COVAX.
Kraina atrymała 14 400 doz vakcyny brytanska-šviedskaha vytvorcy AstraZeneca. Samalot u aeraporcie Kišyniova sustrakali prezident Maja Sandu, pasoł ES, pradstaŭniki SAAZ, JUNISIEF i AAN.
Sandu adznačyła, što Małdova stała pieršaj krainaj u Jeŭropie, jakaja atrymała vakcyny praz COVAX, i padziakavała mižnarodnym partnioram za sadziejničańnie.
Małdova pavinna biaspłatna atrymać praz płatformu COVAX kala 156 000 doz vakcyny AstraZeneca i 24 500 doz Pfizer/BioNTech.
Samuju pieršuju partyju vakcyny — 21 600 doz AstraZeneca — Małdova atrymała dziakujučy Rumynii. Heta pieršaja častka z 200 000 doz, jakija paabiacaŭ prezident Kłaus Jochanis padčas vizitu ŭ Kišynioŭ.